هەواڵدەری "ئاسۆشیەیتد پرێس" لە زاری پێنتاگۆنەوە بڵاوی کردەوە کە تا ڕۆژی هەینی ١٤ی خاکەلێوە، ١٣ سەربازی ئەمریکایی لە کاتی شەڕدا کوژراون و ٣٦٥ کەسی دیکەش بریندار بوون.
بەپێی ئەم ڕاپۆرتە، لە کۆی گشتی بریندارەکان، ٢٤٧ کەسیان لە هێزی زەوینی، ٦٣ کەس لە هێزی دەریایی، ١٩ کەس لە هێزی مارێنز و ٣٦ کەسیشیان لە هێزی ئاسمانی ویلایەتە یەکگرتووەکانی ئەمریکان.
هەروەها ئەم ڕاپۆرتە وردەکارییەک سەبارەت بە پلە سەربازییەکانی بریندارەکان دەخاتە ڕوو؛ بەپێی ئەم زانیارییانە، ٢٠٠ کەس لە بریندارەکان لە هێزەکانی ئەرکی ئاستی ناوەند تا باڵان، لە کاتێکدا ٨٥ کەسیان ئەفسەر و ٨٠ کەسی دیکەیان لە هێزەکانی پلە نزم بوون.
ئەم ئامارە لە کاتێکدا بڵاو دەکرێتەوە کە پێکدادانەکان لە چوارچێوەی شەڕی نێوان ئەمریکا و ئیسرائیل دژی کۆماری ئیسلامی ئێران هێشتا بەردەوامە و زیانە مرۆییەکان لە نێوان هێزە سەربازییەکانی لایەنە شەڕکەرەکاندا ڕوو لە زیادبوونە.
