شیکاریی دۆخی ئابووریی ئێران نیشانی دەدات کە کۆماری ئیسلامی تێچووی شەڕ و شکستی سیاسەتە ناوچەییەکانی، بە توندکردنەوەی گوشارەکان و تالانکردنی سفرەی خەڵک، لە گیرفانی کرێکاران و مووچەبەران دەردەکات.
لە کاتێکدا ڕێژیم میلیاردها دۆلار لە ئاگری شەڕ و گرووپە تێرۆریستییەکاندا بە فیڕۆ دەدات، ئامارەکان باس لە هەڵاوسانێکی کارەساتبار دەکەن؛ بە جۆرێک کە تێچووی کاڵا بنەڕەتییەکان بەراورد بە ساڵی ڕابردوو ٧٣ لەسەدی تێپەڕاندووە.
کۆماری ئیسلامی لەبری چارەسەرکردنی قەیرانەکان، بەردەوامە لە بچووککردنەوەی سفرەی مووچەخۆران و هەر شۆکێکی نوێ لە کەرتی وزە و سووتەمەنیدا، ڕاستەوخۆ دەبێتە هۆی هەژارکردنی زیاتری خەڵک.
زیانە قورسەکانی سەر کەرتی وزە و پیشەسازییەکان کە بەهۆی سیاسەتە نانەتەوەییەکانی تارانەوە دروست بوون، بووەتە هۆی نەمانی ئەمنییەتی پیشەیی و دواکەوتنی مووچەی کرێکاران. نۆژەنکردنەوەی ئەم دامەزراوانە میلیاردها دۆلار تێچووی دەوێت کە ڕێژیم لەبری دابینکردنی بژێوی خەڵک، بۆ نۆژەنکردنەوەی ماشینی شەڕەنگیزییەکانی تەرخانی دەکات، ئەمەش مەترسیی بێکاریی بەکۆمەڵ و داڕمانی تەواوی کەرتی بەرهەمهێنانی لێ دەکەوێتەوە.
لە لایەکی دیکەوە، هەڕەشە دەریاییەکان و ئاڵۆزییەکانی گەرووی هۆرمۆز کە ڕێژیم وەک کارتێکی گوشار بەکاریان دەهێنێت، وەک شەڕیکی ڕاستەوخۆ دژی ژیانی خەڵک دەردەکەون. کورتهێنانی هەر دۆلارێک لە بودجەی وڵات کە بەهۆی گەندەڵی و سزا نێودەوڵەتییەکانەوە دروست بووە، ڕێژیم بە گرانکردنی دەرمان، سووتەمەنی و پێداویستییە سەرەتاییەکان لە کۆڵی خەڵکی دادەماڵێت و کۆمەڵگە بەرەو داڕمانی یەکجاری دەبات.
