فەرماندەیی ناوەندیی ئەمریکا (سێنتکام) دوایین ئاماری چالاکییەکانی خۆی لە دەریای عەرەب بڵاو کردەوە و ڕایگەیاند کە لە درێژەی جێبەجێکردنی قۆناغە نوێیەکانی ئۆپەراسیۆنی "تووڕەیی ئابووری"، ڕێگری لە هاتوچۆی ئەو کەشتییانە کراوە کە یاساکانی گەمارۆی سەر ئێرانیان پێشێل کردووە.
سێنتکام لە پۆستێکدا لە تۆڕی کۆمەڵایەتیی ئێکس وێنەیەکی بڵاو کردووەتەوە و نووسیویەتی: "گرووپی ئامادەباشی دەریایی و وشکایی "ترابلۆس" لە جێبەجێکردنی گەمارۆ سەربازییەکانی ئەمریکا دژی ئێران بەرپرسە."
ئەو فەرماندەییە هەروەها جەختی کردووەتەوە کە تا ڕێکەوتی ٢٧ی بانەمەڕ، هێزەکانی ئەمریکا ڕێڕەوی ٨١ کەشتیی بازرگانییان گۆڕیوە و چوار کەشتیشیان بە تەواوی لەکار خستووە، ئەمەش بە مەبەستی دڵنیابوونەوە لە پێبەندبوونی تەواوی لایەنەکان بە ڕێسا و سزاکانی سەر کۆماری ئیسلامییە.
