ڕێکخراوی مافەکانی مرۆڤی ''هێرانا'' ڕایگەیاندووە کە لە سەرەتای دەستپێکردنی هێرشەکانی ئەمریکا و ئیسرائیل بۆ سەر ئێران لە ٩ی ڕەشەمەی ساڵی ڕابردووەوە، لانیکەم ٤ هەزار و ٢٣ حاڵەتی دەسبەسەرکردن و ٥٠ حاڵەتی لەسێدارەدانی تۆمار کردووە؛ کە ٣٢ حاڵەتیان بە تۆمەتی سیاسی و ئەمنییەتی بووە.
بەپێی ڕاپۆرتەکە، بەرپرسانی ئێران شەڕیان بۆ توندکردنەوەی کەشی ئەمنییەتی، سەرکوتی خەڵکی مەدەنی و سەپاندنی پچڕانی درێژخایەنی ئینتێرنێت بەکار هێناوە، هاوکات دۆخی ناوەندەکانی دەسبەسەرکردن بەشێوەیەکی بەرچاو خراپتر بووە و بازگەکانی هاتوچۆش زیاتر کراون.
لەلایەکی ترەوە، ئەحمەدڕەزا ڕادان، فەرماندەی هێزەکانی ئینتزامیی ڕێژیمی ئێران بەفەرمی ڕایگەیاندبوو کە لە سەرەتای دەستپێکردنی شەڕەوە، هێزەکانیان ٦هەزار و ٥٠٠ کەسیان لە سەرانسەری ئیراندا دەسبەسەر کردوو و جەختی لەوەش کردبووە کە دەستگیرکردنی بەشداربووانی خۆپێشاندانەکانی پێشووش بەردەوامە.
سەبارەت بە زیانە گیانییەکانی شەریش، هێرانا گیانلەدەستدانی لانیکەم ٣ هەزار و ٦٣٦ کەسی پشتڕاست کردووەتەوە، کە هەزار و ٧٠١ کەسیان کەسیان مەدەنی (لە نێویاندا ٣٠٧ منداڵ) و هەزار و٢٢١ کەسیان هێزی سەربازی بوون.
