بەرپرسانی هەواڵگری هۆشداری دەدەن کە پێدەچێت کۆماری ئیسلامیی ئێران پلان بۆ هێرشێکی پێشوەختە و کتوپڕ بە مووشەک و دڕۆن بۆ سەر وڵاتانی کەنداو و ئیسرائیل دابڕێژێت.
ئەم هۆشدارییە دوای هەڵسەنگاندنی دۆخی ئەمنییەتی لەلایەن ئیسرائیل کاتس، وەزیری بەرگری و فەرماندە سەربازییەکانی ئیسرائیلەوە بڵاو کرایەوە.
ئەم پێشهاتە لەکاتێکدایە کە دۆناڵد ترامپ و بێنیامین نێتانیاهوو لەسەر چۆنیەتیی بەڕێوەبردنی دانوستانەکانی ئاگربەست لەگەڵ تاراندا تووشی ناکۆکی بوون.
بەرپرسانی ئەمنییەتی ڕایانگەیاندووە کە تاران دەیەوێت پێش بێهیوابوونی تەواوی ئەمریکا و ئیسرائیل لە ڕێگەی دیپلۆماسی، هێرشێکی هاوشێوەی دەستپێکی ئۆپەراسیۆنەکانی تووڕەیی حەماسی و نەڕەی شێران ئەنجام بدات.
لە بەرامبەردا، ئەیال زەمیر، بەرپرسی ستادی گشتیی ئەرتەشی ئیسرائیل و هیدای زیلبێرمان، فەرماندەی هێزی ئاسمانی، هاواهەنگییە سەربازی و هەواڵگرییەکانیان لەگەڵ هاوتا ئەمریکاییەکانیان بۆ بەرزکردنەوەی ئاستی بەرپەرچدانەوەی هەر جۆرە هەڕەشەیەک چڕتر کردووەتەوە.
بەپێی سەرچاوە سەربازییەکان، لە ماوەی مانگی ڕابردوودا بەهۆی ئەم ئامادەکارییانەوە، ناردنی چەک و کەرەستەی سەربازیی پێشکەوتووی ئەمریکا بۆ ئیسرائیل بە شێوەیەکی بەرچاو زیادی کردووە.
