"ڕافائێل گرووسی"، بەڕێوەبەری گشتیی ئاژانسی نێودەوڵەتیی وزەی ئەتۆمی، لە یەکەم ڕۆژی کۆبوونەوەی وەرزیی شۆرای حوکامدا داوای لە کۆماری ئیسلامیی ئێران کرد کە دووبارە بگەڕێتەوە سەر مێزی گفتوگۆ و ڕێگە بە پشکنینی ئەو دامەزراوە ئەتۆمییانە بداتەوە کە ساڵێک پێش ئێستا لەلایەن ئەمریکا و ئیسرائیلەوە بۆردومان کرابوون.
ئەم داوایە لەکاتێکدایە کە تاران هێشتا هیچ زانیارییەکی لەسەر چارەنووسی ئۆرانیۆمی پیتێندراوی ڕێژەی %٦٠ بە ئاژانس نەداوە.
گرووسی ئاشکرای کرد کە کاناڵە پەیوەندییە فەرمییەکان بە تەواوی پچڕاون و ڕایگەیاند: "تاکەڕێگە، ملدانی ئێرانە بۆ ڕێککەوتنێکی نوێ لەگەڵ ئەمریکادا."
هاوکات، واشنگتۆن بە پشتگیریی بریتانیا، فەرانسە و ئاڵمان لە هەوڵی پەسندکردنی بڕیارنامەیەکی توند بۆ ناچارکردنی تاران بە پێشکەشکردنی زانیاریی دەستبەجێیە.
لە بەرامبەردا، "ئیسماعیل بەقایی" وتەبێژی وەزارەتی دەرەوەی ڕێژیم، گرووسیی بە لایەنگری تۆمەتبار کرد و وتی تاران بۆ هەر پێشهاتێک ئامادەیە و نوێنەرایەتیی ئێرانیش هۆشداریی دا کە گوشار، دۆخی دیپلۆماتیک تێک دەدات.
