ڕێبەرانی گرووپی حەوت (G7) لە بەیاننامەیەکی فەرمیدا جەختیان کردەوە کە مافی تێپەڕبوونی کەشتییەکان لە ڕێڕەوە دەریاییەکان، بەتایبەت گەرووی هۆرمۆز، دەبێت بەبێ سنووردارکردن و وەرگرتنی باج بمێنێتەوە.
ڕێبەرانی گرووپی حەوت پشتگیریی خۆیان بۆ ڕێککەوتنی ئەم دواییەی ئەمریکا و ئێران دەربڕی و بە دەرفەتێکیان زانی بۆ ڕێگری لە دەستڕاگەیشتنی تاران بە چەکی ئەتۆمی و بەرەنگاربوونەوەی هەڕەشە مووشەکییەکانی. هەروەها داکۆکییان لە دەستپێشخەریی بەرگریی فەرانسە و بریتانیا کرد بۆ پاراستنی کەشتییە بازرگانییەکان و پاککردنەوەی ناوچەکە لە مین.
لە بەشێکی دیکەی بەیاننامەکەدا، گرووپی حەوت داوای ئاگربەستی دەستبەجێیان لە لوبنان کرد و پشتگیریی خۆیان بۆ هەوڵەکانی دەوڵەتی لوبنان بەمەبەستی چەککردنی حیزبوڵڵا و قۆرخکردنی چەک لە دەستی دەوڵەتدا ڕاگەیاند.
لە کۆتاییدا، داوای خێراکردنی هاوکارییە مرۆییەکانی غەززە، کۆتایهێنان بە توندوتیژییەکانی کەنارەی باختەری و زیادکردنی سەرچاوە و ڕێگاکانی گواستنەوەی وزەی جیهانیان کرد.
