ڕۆژی دووشەممە ڕێکەوتی ١١ی جۆزەردانی ١٤٠٥هەتاوی، کاک عەزیز یووسفی هونەرمەندی خۆشنووسی مەهابادی و ئەندامی چالاکی لێژنەی کۆمەڵایەتی زاگرۆس، بە ڕووداوی هاتووچۆ لە نێو شاری مەهاباد کۆچی دوایی کرد
کاک عەزیز یووسفی ساڵی ١٣٢٤ لە بنەماڵەیەکی نیشتمانپەروەر و خەڵکدۆستی شاری مەهاباد لە دایک بوو و لە سەردەمی ژیانیدا بە نەخشاندنی تابڵۆی هونەری لە بواری خۆشنووسیدا هەست و سۆزی نیشتمانپەروەرانەی خۆی دەردەبڕی.
کاک عەزیز یووسفی کارمەندی ئیدارەی دوخانییات بووە و لە ناو خەڵکدا بە کەسایەتێکی چاکەکار و خەڵکی ناوبانگی هەبوو و لە پرسە کۆمەڵایەتییەکاندا بە شانازییەوە بەشداری دەکرد و هەر دەم لە بیری ئازادی و ڕزگاری نیشتمان دابوو .
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
