لە کاتێکدا دۆناڵد ترامپ ڕایگەیاندووە کە ڕێککەوتنێک لەگەڵ ئێران بۆ کردنەوەی گەرووی هۆرمۆز و بەرنامەی ئەتۆمی نزیکە، بەشێک لە خەڵکی نێوخۆی ئێران نیگەرانی ئەوەن ئەم هەنگاوە ببێتە هۆی مانەوەی ڕێژیم لە دەسەڵاتدا.
بەپێی ڕاپۆرتێکی "فاکس نیوز"، لایەنگرانی گۆڕانکاری لە ئێران کە هیوایان بە گوشارەکانی ئەمریکا هەبوو، ئێستا ترسیان هەیە ڕێککەوتنێکی ڕووکەش، تەنیا تەمەنی ڕێژیم درێژ بکاتەوە و تێچووەکەشی لەسەر شانی خەڵک بێت.
لیزا دەفتەری، سەرنووسەری "فۆرین دێسک" ڕایگەیاندووە کە کۆماری ئیسلامی لە ڕووی دارایی و سیاسییەوە لە لێواری داڕماندایە؛ ئەگەر واشنگتۆن لەجیاتی ڕێککەوتنێکی کاتی، پێداگری لەسەر گەمارۆکان بکات، دەسەڵاتی تاران لاواز دەبێت.
بەپێی ئەو ڕاپۆرتە خەڵکی ئێران دەڵێن، سەرەڕای داڕمانی ئابووری و سەرکوت، هێشتا هیوایان بە یەکگرتوویی و داهاتوو هەیە، بەڵام داوا دەکەن لە هاوکێشە نێودەوڵەتییەکاندا دەنگی خەڵکی ئاسایی پشتگوێ نەخرێت.
