ئیدارەی فێدراڵ بۆ پاراستنی یاسای بنەڕەتیی ئاڵمان لە ڕاپۆرتی ساڵی ٢٠٢٥ی خۆیدا، کۆماری ئیسلامیی لەپاڵ ڕووسیە و چین، وەک یەکێک لە گرنگترین هەڕەشە هەواڵگرییەکان دژی وڵاتەکەی ناساند.
لە ڕاپۆرتەکەدا هاتووە کە تاران لە ڕێگەی سیخوڕی، هێرشی سایبێری، کردەوەی تێکدەرانە و هەوڵدان بۆ دەستڕاگەیشتن بە تێکنۆلۆژیی پێشکەوتوو، ئەمنییەتی ئاڵمان دەکاتە ئامانج.
ئەم دامەزراوەیە ڕایگەیاندووە کە بەشێکی گرنگ لە چالاکییە هەواڵگرییەکانی کۆماری ئیسلامی چڕبووەتەوە لەسەر ناسینەوە و چاوەدێریکردنی نەیاران، ئێرانییە تاراوگەنشینەکان، ڕۆژنامەنووسان، چالاکوانانی مافی مرۆڤ و ئەو ناوەندانەی کە پەیوەندییان بە ئیسرائیل و کۆمەڵگەی جووەوە هەیە.
هەروەها هۆشداری دراوە کە دوای شەڕەکانی ئەم دواییەی ڕۆژهەڵاتی نێوەڕاست، ئاستی ئەم هەڕەشانە زیادی کردووە.
بەپێی ئەم ڕاپۆرتە، کۆماری ئیسلامی بۆ بونیادنانەوەی توانای ئەتۆمی و سەربازیی خۆی، هەوڵ دەدات بە شێوەیەکی نایاسایی دەستی بە تێکنەلۆژییە هەستیارەکانی ئورووپا، بەتایبەتی ئاڵمان ڕابگات.
ئیدارەی پاراستنی یاسای بنەڕەتیی ئاڵمان ڕایگەیاندووە کە بۆ ڕووبەڕووبوونەوەی ئەم هەڕەشانە، ستراتێژیی "شناسایی، تێکدان و پێشگیریکردن" پێڕەو دەکات.
