ڕۆژنامەی "وال ستریت ژوورناڵ" لە ڕاپۆرتێکدا ڕایگەیاند، دۆناڵد ترامپ سەرۆکی ئەمریکا بە شێوەیەکی تایبەت بە ڕاوێژکار و یاریدەدەرانی خۆی ڕاگەیاندووە، لە ئەگەری کوژرانی هەر هێزێکی ئەمریکایی لەلایەن ئێرانەوە، پێداچوونەوە بە ئاگربەستی نێوان هەردوو وڵاتدا دەکات و ئەگەری هەیە هەڵیوەشێنێتەوە.
"ڕۆیتێرز" وێڕای بڵاوکردنەوەی ئەم هەواڵە ئاماژەی بەوە کردووە کە نەیتوانیوە بە شێوەیەکی سەربەخۆ دروستیی ئەم لێدوانانە پشتڕاست بکاتەوە.
ئەم هۆشدارییە لە کاتێکدایە کە واشنگتۆن و تاران چەندین جار یەکتریان بە پێشێلکردنی ئاگربەستەکە و ئەنجامدانی هێرش دژی یەکتر تۆمەتبار کردووە؛ بەڵام لە هەمان کاتدا ترامپ جەختی کردووەتەوە دەوڵەتەکەی لە دانوستانەکاندا لەگەڵ ئێران بەرەو پێش دەچێت و گفتوگۆکان بە باشی بەڕێوە دەچن.
سەرۆککۆماری ئەمریکا لە هاوکات، پێکدادانەکانی دوو شەوی ڕابردووی دەوروبەری کەنداوی بە کەمبایەخ و وەک تایبەتمەندییەکی ئەم ناوچەیەی جیهان ناوبردبوو.
