سندووقی نێودەوڵەتیی دراو لە نوێترین ڕاپۆرتی وەرزیی خۆیدا ڕایگەیاند کە بەرهەمی ناپاقژی نێوخۆی ئێران لەمساڵدا ٥.٤- لەسەد دەبێت و بۆ ساڵی داهاتووش تەنیا ٢.٩ لەسەد گەشە دەکات.
هاوکات وڵاتانی عێراق، کوەیت و قەتەریش بەهۆی داخرانی گەرووی هۆرمۆز لە بەهاری ئەمساڵدا و هێرشەکانی کۆماری ئیسلامی بۆ سەریان، تووشی گەشەی نەرێنی دەبن، بەڵام بە پێچەوانەی ئێرانەوە، ساڵی داهاتوو گەشەیەکی ئابووریی دوو ژمارەیی ئەزموون دەکەن.
لە کاتێکدا کە کۆی گەشەی ئابووریی ناوچەی ڕۆژهەڵاتی نێوەڕاست و باکووری ئەفریقا لەمساڵدا ٠.٧ لەسەد دەبێت و ساڵی داهاتوو دەگاتە ٦.٥ لەسەد.
لهلایهكی دیكهوه، ئەگەرچی گەشەی ئابووریی ناوچەی یۆرۆ، چین و زۆربەی وڵاتانی ئاسیا لەمساڵدا خاو دەبێتەوە، بەڵام ئابووریی ئەمریکا بە بەراورد بە ساڵی ڕابردوو ٠.٢ لەسەد زیاد دەکات و دەگاتە ٢.٣ لەسەد.
لەسەر ئاستی جیهانیش، گەشەی ئابووری بە دابەزینی نیو لەسەدی بە بەراورد بە ساڵی ڕابردوو دەگاتە ٣ لەسەد، بەڵام پێشبینی دەکرێت لە ساڵی ٢٠٢٧دا دووبارە ڕوو لە هەڵکشان بکات و بگاتە ٣.٤ لەسەد.
