ستادی فەرماندەیی ناوەندیی ئەمریکا (سێنتکام)، لە دوای خولی نوێی ڕووبەڕووبوونەوە سەربازییەکانی نێوان واشنگتۆن و تاران، لە پەیامێکدا لە تۆڕی کۆمەڵایەتیی ئێکس، ڕاپۆرتی میدیاکانی ڕێژیمی بەدرۆ خستەوە و ڕایگەیاند کە کۆماری ئیسلامی هیچ کۆنتڕۆڵێکی بەسەر گەرووی هۆرمۆزدا نییە.
بەپێی ڕاگەیەندراوەکەی سێنتکام، لە سەرەتای مانگی مەی ٢٠٢٦وە تا ئێستا، هێزە چەکدارەکانی ئەمریکا توانیویانە پاراستن و تێپەڕبوونی سەلامەتی پتر لە ٨٠٠ کەشتیی بازرگانی لەم گەرووە نێودەوڵەتییەدا دابین بکەن.
فەرماندەیی ناوەندیی ئەمریکا جەختی کردووەتەوە کە گەرووی هۆرمۆز ڕێڕەوێکی گرنگە بۆ بازرگانیی جیهانی و ئیدیعاکانی تاران لەسەر کۆنتڕۆڵی قۆرخکارانەی ئەم ڕێڕەوە ئاوییە ناڕاستن.
سێنتکام ئامانجی ئۆپەراسیۆنە سەربازییەکانی ئەم دواییەی ئەمریکای بۆ کەمکردنەوەی تواناکانی ڕێژیمی ئێران لە هەڕەشەکردن بۆ سەر ئەمنییەتی کەشتیوانی گەڕاندەوە و ڕایگەیاند کە واشنگتۆن کۆماری ئیسلامی لە ئاست هێرشە "قەبووڵنەکراوەکانی" بۆ سەر کەشتییە بازرگانییەکان بە بەرپرسیار دەزانێت و لەم پێناوەشدا ڕێژیمی ئێران ناچاری وڵامدانەوە دەکات.
