شۆرای هاواهەنگیی ڕێکخراوە پێشەیییەکانی مامۆستایانی ئێران بە بڵاوکردنەوەی بەیاننامەیەک، جێبەجێکردنی حوکمەکانی لەسێدارەدانی مەحکووم کرد و داوای هەڵپەساردنی دەستبەجێی سەرجەم حوکمەکانی لەسێدارەدان، دەستەبەرکردنی دادگایی دادپەروەرانە و کۆتاییهێنان بە ڕووبەڕووبوونەوە ئەمنییەتییەکان لەگەڵ چالاکوانی سیاسی و مەدەنیی کرد.
لەم بەیاننامەیەدا هاتووە کە مافی ژیان لە سەرەکیترین مافەکانی مرۆڤە و سزای لەسێدارەدان، بەبێ ڕەچاوکردنی جۆری تۆمەتەکە، لەگەڵ کەرامەتی مرۆیی و بنەماکانی مافی مرۆڤدا لە دژایەتیدایە.
ئەم شۆرایە هەروەها بە پشتیوانیکردن لە هەڵمەتی "سێشەممەکانی نا بۆ لەسێدارەدان" و مانگرتن لە خواردنی زیندانییانی بەشی دووی زیندانی قزڵحسار، لەجیاتی لەسێدارەدان داوای گۆڕینەوەی سزاکان بۆ چاکسازی کرد.
بەپێی ڕاپۆرتی کۆمەڵەی چالاکوانی مافی مرۆڤ لە ئێران، لە ساڵی ۱۴۰۴دا لانیکەم ۲ هەزار و ۴۸۸ کەس لەسێدارە دراون.
هاوکات، شەپۆلێکی نوێ لە جێبەجێکردنی حوکمەکانی لەسێدارەدان لە ئێران بەردەوامە و نزیکەی هزار و ۵۰۰ بەندکراوی مەحکووم بە لەسێدارەدان لە بەشی دووی زیندانی قزڵحسار لە ناڕەزایەتی بەرانبەر ئەم ڕەوتە دەستیان کردووە بە مانگرتن لە خواردن.
