لە گۆڕانکارییەکی سەربازیی گرنگدا، دوناڵد ترامپ سەرۆککۆماریی ئەمریکا ڕایگەیاند کە هێزەکانی وڵاتەکەی گەرووی هۆرمۆزیان بەتەواوی لە مین پاک کردووەتەوە و ئەم ڕێڕەوە ئاوییە ستراتێژییە لە ئێستادا کراوەیە.
ترامپ جەختی کردەوە کە هێزی دەریایی ئەمریکا ۱۰۰ لەسەدی ئەو گەروویەی لەژێر کۆنتڕۆڵدایە و تەنیا واشنگتۆن بڕیار دەدات کە چ کەشتییەک مافی هاتوچۆی لەم ئاوڕێگەیەدا هەیە.
ئەم پێشهاتە دوای ئەوە بوو کە ڕێژیمی کۆماری ئیسلامیی ئێران دوای دەستپێکردنی شەڕی ٤٠ ڕۆژە، گەرووی هۆرمۆزی بەستبوو و مینی دەریایی لە بەشێکیدا چاندبوو.
ئەگەرچی بەپێی تێگەیشتنامەی ئیسلامئاباد بڕیار بوو تاران خۆی مینەکان هەڵبگرێتەوە، بەڵام دوای بەئامانجگرتنی چەند نەوتهەڵگرێک لەلایەن هێزەکانی ڕێژیمی ئێرانەوە و بەدوایدا هێرشی دوو حەفتەییی ئەمریکا بۆ سەر ناوەندەکانی کۆماری ئیسلامی، تێگەیشتنامەکە هەڵوەشایەوە.
ئەم لێدوانانەی ترامپ ئاماژەیەکی ڕوونن بۆ سەپاندنی گەمارۆی دەریایی بەهێز بەسەر تاراندا و لەدەستدانی کۆنتڕۆڵی ئێران بەسەر ئەم ڕێڕەوە ئاوییە نێودەوڵەتییەدا.
