جان هیلی، وەزیری دارایی بریتانیا پشتگیریی وڵاتەکەی بۆ هەوڵەکانی ئەمریکا لەپێناو دۆزینەوەی چارەسەری دیپلۆماسی ڕاگەیاند و پێشوازیی لە هەنگاوەکانی واشنگتۆن بۆ چڕکردنەوەی گوشاری ئابووری، بە تایبەتی لە چوارچێوەی "ئۆپەراسیۆنی گۆشەگیرکردنی ئابووری"دا کرد.
هیلی جەختی کردەوە کە بریتانیا لە کاتی دەستبەکاربوونی کابینەی نوێوە زیاتر لە ۲٤۰ سزای بەسەر کۆماری ئیسلامیدا سەپاندووە، چونکە کردەوەکانی تاران ئەمنییەت و خەڵکی بریتانیا دەخەنە مەترسییەوە.
ناوبراو ئاماژەی بەوەش کرد کە لەندەن لە هاوکارییەکانی لەگەڵ ئەمریکا و هاوپەیمانە نێودەوڵەتییەکانی بۆ ڕێگریکردن لە سوودوەرگرتنی ئێران لە ئابووریی جیهانی و سیستمی دارایی بریتانیا بۆ پێشبردنی بەرنامە ئەتۆمییەکەی بەردەوام دەبێت.
وەزیری دارایی بریتانیا هاوکات داوای لە کۆماری ئیسلامی کرد دەستبەجێ بەکارهێنانی کردەوە تێکدەرانەکانی لە ناوچەکە و هەڕەشەکانی سەر گەرووی هۆرمۆز ڕابگرێت.
هیلی هەروەها دووپاتی کردەوە کە هاوپەیمانان هەنگاوی پێویست بۆ کردنەوەی تەواوەتیی گەرووی هۆرمۆز و پاراستنی بەرژەوەندییەکانیان دەنێن.
