ڕۆژی سێشەممە ١٣ی گەلاوێژی ١٤٠٥، محەممەد بەهادوری ناسراو بە "محەممەدجەماڵ"، خێرخوازی ئازەری زمانی دانیشتووی ئاوایی گەنج ئاوا لە ناوچەی شاماتی مەهاباد، کۆچی دوایی کرد.
ناوبراو کەسێکی خێرخواز بووە و لە ساڵی١٤٠٠ لەسەر ئەرکی خۆی لە ئاوایی گەنج ئاوا قوتابخانەیەکی ٦ پۆلیی بۆ منداڵانی ئەو ئاواییە دروست کردووە.
محەممەد بەهادوری لە ماوەی ژیانیدا ڕۆڵێکی باشی لە پێکەوەژیانی کورد و تورک لەو ئاواییەدا و ناوچەی شاماتدا هەبووە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە پرسە و سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
