بێنیامین نێتانیاهوو، سەرۆکوەزیرانی ئیسرائیل، ڕۆژی پێنجشەممە ٢ی ڕەزبەر، لە کۆڕی گشتیی نەتەوە یەکگرتووەکاندا چەندین جار ڕێژیمی کۆماری ئیسلامیی بە «ڕێژیمێکی بکوژ و خراپەکار» ناو برد و ڕایگەیاند کە خەڵکی ئێران «ڕۆژێک هەر ئازاد دەبن».
نێتانیاهوو لە وتارێکیدا لە کۆڕی گشتیی نەتەوە یەکگرتووەکان، بە نیشاندانی ئامێرێکی «ستارلینک» وتی: «کۆماری ئیسلامی بەتایبەتی کاتێک دەترسێت کە خەڵکەکەی ئەمەیان هەبێت».
ناوبراو ڕایگەیاند کە ستارلینک دەرفەت بە خەڵک دەدات دەستیان بە زانیاری، هەڵبژاردن، ئازادیی بیر و ئازادیی ڕادەربڕین بگات.
نێتانیاهوو ڕایگەیاند کە «لەبەر ئەم هۆکارەیە کە ڕێژیمی ئێران چەندین میلیارد دۆلار بۆ سانسۆری ئێنتێرنێت خەرج دەکات».
سەرۆکوەزیرانی ئیسرائیل لە درێژەدا وتی: «سەرەڕای بێدەنگی و دووڕوویی ئێوە، ئەوە تەنها کاتە کە لە ئێران ڕووداوێکی سەرسووڕهێنەر ڕوو بدات. دەسەڵاتی خەڵک بەسەر ئەوانەی کە لە دەسەڵاتداندا زاڵ دەبێت».
هەروەها سەرۆکوەزیرانی ئیسرائیل ڕایگەیاند کە «ئەم ڕێژیمە تاوانبارە لەژێر قورسایی درۆکانی، گەندەڵییەکەی و دڕندەییەکەی خۆیدا ڕووخاوە. ئەم ڕێژیمە خراپە دەڕووخێت و هەموومان ئەو ڕۆژە جشن دەگێڕین».
نێتانیاهوو لە نەتەوە یەکگرتووەکاندا جەختی کردەوە کە ڕێژیمی تاوانکاری ئێران دەڕووخێت و خەڵکی ئێران ئازاد دەبن.
ناوبراو هەروەها هێرشکردنە سەر دامەزراوە ئەتۆمییەکانی ئێرانی بە «یەکێک لە ئاسانترین بڕیارەکان» لە سەردەمی سەرۆکوەزیرانی خۆیدا وەسف کرد.
نێتانیاهوو باسی لەوە کرد کە ڕێبەرانی ڕێژیمی کۆماری ئیسلامی پێش هەموو شتێک لە خەڵکی ئێران دەترسن.
زیادیشی کرد کە خەڵکی بوێری ئێران ماوەیەکی زۆرە بۆ ئازادی تێچوو و قوربانییەکی زۆر دەدەن.
سەرۆکوەزیرانی ئیسرائیل هەروەها ڕووی کردە خۆپیشاندەرانی دەرەوەی بارەگای نەتەوە یەکگرتووەکان و ئەو نوێنەرانەی کە هۆڵەکەیان جێهێشت، و پرسیاری کرد بۆچی لە کاتی «کوژران و برینداربوونی هەزاران ئێرانیدا» لەلایەن ڕێژیمی بکوژی کۆماری ئیسلامییەوە، ناڕەزایەتییەکی هاوشێوەیان نەبوو؟"
