ئەمڕۆ دووشەممە ٢٠ی ڕەشەمە سەرۆک‌کۆماری ئێران سەردانی سێ رۆژەی خۆی لە عێراق دەسپێکردو لە هەوڵدایە بۆ دەورلێدانی گەمارۆکانی ئامریکا بۆ سەر وڵاتەکەی لە عێراق کەڵک‌وەربگرێ دانیشتن لەگەڵ سەرۆک کۆمار و سەرۆک وەزیرانی عێراق لەبارەی پێوەندییەکانی نێوان دوو وڵات و هاوکارییە ناوچەییەکان، ئامادەبوون لە کۆڕبەندی ئابووریی بە ئامادەبوونی کەرتی تایبەت و دەوڵەتیی ئێران و عێراق لە بەرنامەکانی سێ ڕۆژەی سەرۆک کۆماری ئێران لە عێراقە و دەیهەوێ بەرپرسانی دەوڵەتی عێراق ڕازی بکات پێوەندییە ئابوورییەکانی خۆیان بە هۆی گەمارۆکانی ئامریکاوە ڕانەگرن. بە گوتەی ئیرەج مەسجدی باڵوێزی ئێران لە بەغدا: بڕیارە حەسەن ڕۆحانی سەرکۆماری ئێران لە سەردانەکەی خۆی بۆ عێراق لەگەڵ ئایەتوڵڵا سیستانی مەرجەعی باڵای شیعەکانی عێراق دیدار بکات. هەروەها باڵوێزی ئێران لە بەغدا ڕایگەیاند؛هاڵگرتنی ڤیزە لە نێوان دوو وڵاتی ئێران و عێراق تەوەری سەرەکیی گفتوگۆکانی ڕۆحانی لەگەڵ بەرپرسانی باڵای حکوومەتی فیدراڵی عێراقە. لەو سەردانەدا رۆحانی دەیھەوێ بۆ دەورلێدانی گەمارۆكانی ئەمریكا كەڵك لە عێراق وەربگرێت.