وتەبێژی وەزارەتی دەرەوەی ویلایەتە یەکگرتووەکانی ئامریکا ڕایگەیاندووە کە ئامریکا دەستی بەسەر بارێکی چەکوچۆڵدا کە بۆ حووسییەکانی یەمەن چووه، داگرتووە.
"مۆرگان ئۆرتێگاس" وتەبێژی وەزارەتی دەرەوەی ویلایەتە یەکگرتووەکانی ئامریکا، ڕۆژی چوارشەممە ١٨ی پووشپەڕ، باسی لە ڕاگرتنی بارێکی چەکوچۆڵی نێردراو لەلایەن ڕێژیمی ئێرانەوە بۆ حووسییەکانی یەمەن لەلایەن وڵاتەکەیەوە کردووە.
"ئۆرتێگاس" هەروەها وتوویەتی ڕێژیمی ئێران لە ڕێگای گرووپە میلیشیاکانیەوە کاریگەری لەسەر بارودۆخی عێراق دادەنێت.
هەروەها "مایک پۆمپێئۆ" وەزیری کاروباری دەرەوەی ویلایەتە یەکگرتووەکانی ئامریکا جەختی کردووەتەوە کە ئێمە لە سەر درێژکردنەوەی گەمارۆی چەکوچۆڵ دژی ئێران پێداگرین.
ڕێژیمی ئێران بەردەوام لەڕێگای ناردنی چەکوچۆڵەوە بۆ میلیشیا چەکدارەکانی لە ناوچەی ڕۆژهەڵاتی نێوەڕاستدا درێژە بە تێرۆریزم دەدات و لە هەوڵدایە هەتا سیاسەتی خۆی بەسەر وڵاتانی نەوچەکەدا بسەپێنێت.
