وەزارەتی دەرەوەی ئامریکا لە بەیانییەیەکدا بڵاوی کردووەتەوە کە ١٠ ملیۆن دۆلاری بۆ دۆزینەوەی شوێنی تێرۆریست "سەلیم جەمیل عیاش" وەک پاداشت دیاری کردووە.
لەو بەیانییەیەدا هاتووە تێرۆریست "سەلیم جەمیل عیاش" سەر بە حیزبوڵڵای لوبنانه و لە هەوڵدا بووە خەسارەت بە ئەرتشی ئامریکا بگەێنیت.
"عیاش" مانگی گەلاوێژی ساڵی ڕابردوو بە تاوانی تێرۆری "ڕەفیق حەریری" سەرۆکوەزیرانی پێشووی لوبنان تاوانبار و لەلایەن دادگای نێونەتەوەیی بە زیندانی هەتاهەتایی مەحکووم کراوە.
هەروەها "جەمیل عیاش" به چەندین تاوانی دیکە وەک "پیلان، کاری تێرۆریستی، کوشتنی بە ئانقەستی حەریری و ٢١ کەس لە هاوڕێیانی و دەست تێدابوون لە کوشتنی ١٢٦ کەسی دیکە تاوانبار کراوە.
