ڕۆژی هەینی ڕێکەوتی ١٧ی بانەمەڕ قۆپیی "کانی بەرازانـ"ـی مەهاباد ئاگری لێکەوتووەتەوە و خەسارێکی زۆری ژینگەیی بەر کەوتووە.
لەو ئاگرکەوتنەوەدا ٤ هەزار میتری چوارگۆشە لە قامیشەکانی ئەو قۆپییە لە ئاگردا سووتاون.
ئەو ئاگرکەوتنەوە لە بەشی ڕۆژهەڵاتی ئەو قۆپییە دەستی پێکردووە و هۆکارەکەی دەگەڕێتەوە بۆ هەوای گەرم، با و وشکبوونی گیاوگوڵەکانی ئەو قۆپییە.
قۆپیی "کانی بەرازانـ"ـی مەهاباد لە پێڕستی قۆپییە نێودەوڵەتییەکانە و پانتاییەکەی ٩١٠ هێکتارە، هەروەها بەهۆی تایبەتمەندیی ئەو قۆپییە لە ساڵی ١٣٨٥دا ڕاوکردن تێیدا قەدەغە کراوە.
