کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ئاگری نەورۆز لە کوردستان هەڵکرا

12:10 - 2 خاکەلێوه 2720

بەبۆنەی نەورۆزی کوردەواری لە شار و گوندەکانی کوردستان ئاگری نەورۆز هەڵکرا و سەرەڕای ئاگری نەورۆز چالاکیی تەبلیغی بۆ پشتیوانی لە حیزبی دێموکرات بەڕێوەچوو.

بەبۆنەی هاتنی سەری ساڵی نوێی کوردی لە "نییەر، نێ، تەنگیسەر، مەهاباد، مەریوان و سنە" و چەندین شوێنی دیکەی کوردستان ئاگری نەورۆز هەڵکرا.

لە گوندی "گەزگەسکی پیران" سەر بە شاری پیرانشار ئاگری نەورۆزی ۲۷۲۰ی کوردی هەڵکرا و هەروەها لاوانی کوردستان بە جلوبەرگی کوردەواری شایی و هەڵپەڕکێیان کرد.

لە گوندى "توراخ تەپه"ی سەرشيوی مەريوان و هەروەها لە گوندی سەردۆش خەڵکی نیشتمانپەروەری کوردستان؛ ئاگری نەورۆزیان هەڵکرد.

لەو مەراسمە نەورۆزییەدا بەشداربووانی مەراسمەکە بە جلوبەرگی کوردی بەشدار بوون و کیژانی قارەمان ئاگری نەورۆزیان هەڵکرد.

هەر بەم بۆنەوە لە گوندی تەنگیسەر لاوانی ئەو گونده ڕایانگەیاندووە، ئێمە وەکوو ئەندامان و لایەنگەرانی حیزبی دێموکراتی کوردستانی ئیران لە تەنگیسەری هەمیشە قارەمانەوە ساڵی تازە لە هەموو کوردستان پیرۆزبایی دەکەین.

بۆ جارێکی دیکە پەیمانی خۆمان لەگەڵ شەهیدان نۆی دەکەینەوە و ڕادەگەیەنین درێژەپێدەری ڕیگای شەهیدانین.

هاوکات پەیمان نوێ دکەینەوە و بە شانازییەوە دەڵێین هەتا ماوین سەر لەپێناوی نیشتمانین.