لەگەڵ ئەوەیکە دەسەڵاتی ڕووحانی دژایەتی گەڕانەوەی کۆپینی دەکرد بەڵام ئەم گەڵاڵەیە لەلایەن مەجلیسی ڕێژیمەوە پەسەند کرا.
"حەمید ڕەزا حاج بابایی" سەرۆکی کۆمیسیۆنی بەرنامە و بودجەی مەجلیسی ڕێژیم وتوویەتی کابینەی ڕووحانی ئەرکە لەسەر شانی کە ٣٠ هەزار میلیارد لە دارایی خۆی بۆ دابینکردنی کۆپین تەرخان بکات.
ناوبراو وتوویەتی هەموو داراییەکانی دەوڵەت بۆ خەڵکە و دەبێ حکوومەت بۆ دابینکردنی پێداویستییەکانی خەڵک تەنانەت بینای مەجلیسیش بفرۆشن .
لەلایەکی دیکەوە "عەلی ڕەبیعی" وتەبێژی کابینەی ڕووحانی وتوویەتی حکوومەت هیچ سەرچاوەیەکی داهاتی نییە و گەڵاڵەی وەها ڕەزامەندی دەم و دەستی و تاڵی درێژماوەی بە دواوە دەبێت.
ئیدعای کاربەدەستانی ڕیژیم بۆ نەبوونی داهاتی حکومەت لە کاتێکدایە کە ئەو ڕێژیمە بە دەیان گرووپی تووندئاژۆی لە دەرەوەی سنوورەکانی چەکدار کردووە و ساڵانە تێچوویەکی زۆر بۆ ڕاهێنانی ئەم گرووپە نیابەتییانە خەرج دەکات.
