ڕۆژی پێنج شەممە ڕێکەوتی ١٣ی سەرماوەزی ٩٩ی هەتاوی مام "ڕەسووڵ حەمە مورادی" باوکی شەهید "نادر حەمە مورادی" خەڵکی گوندی " پاشبڵاغ " سەر بە شاری بۆکان ماڵاوایی لە ژیان کرد.
شەهید " نادر حەمە مورادی" لە ساڵی ١٣٤٤ لە گوندی " پاشبڵاغ " سەر بە شاری بۆکان لەدایک بووە .
ناو براو لە سازماندەهیی حیزبدا توانیویەتی ببێتە سەرپەل و لە ئەرکە پێ ئەسپێردراوەکانیدا کەسێکی شۆڕشگێڕ و دڵسۆز بووە.
شەهید "نادر حەمە مورادی" لە ساڵی ١٣٦٣ی هەتاوی لە تێکهەڵچوونێکدا لەگەڵ هێزەکانی ڕێژیمی ئێران لە گوندی " پاشبڵاغ " تێکەڵ بە کاروانی شەهیدان بوو.
حیزبی دێموکراتی کوردستانی ئێران پرسە و سەرەخۆشی لە بنەماڵەی کاک "ڕەسووڵ حەمە مورادی" دەکات و خۆی بە شەریکی خەمیان دەزانێت.
