باوکی شەهیدێکی کوردستان بەهۆی بەساڵاچوویی و پیرییەوە بۆ هەمیشە ماڵاوایی لە ژیان کرد.
ڕۆژی شەممە ڕێکەوتی ٢٩ی جۆزەردان، "مەحموود ڕەحمانی" باوکی شەهید "ئەفراسیاب ڕەحمانی" خەڵکی "لۆن سادات" سەر بە شاری کامیاران بەهۆی بەساڵاچووی و تەمەنی زۆرەوە ماڵاوایی لە ژیان کرد.
شەهید "ئەفراسیاب ڕەحمانی" ساڵی ١٣٥٦ی هەتاوی لە گوندی "لۆن سادات" لەدایک بووە و ساڵی ١٣٧٩ی هەتاوی لە ڕووداوێکدا لە کەمپی دێگەڵە شەهید دەبێت.
کاک مەحموود کەسێکی خۆشەویشت و جێی متمانەی خەڵکی ناوچەکە بووە و هەتا کاتی ماڵاوایی کردنی لە ژیان بەردەوام شانازیی بە ڕێگا و ڕێبازی کوڕە شەهیدەکەیەوە دەکرد.
تەرمی ناوبراو لە زێدی خۆی
بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران، سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
