بەرەی عەرەبی بۆ ئازادیی ئەحواز لە پەیامێکدا سپاسی پشیوانیکردن و پێوەندیی حیزبی دێموکراتی کوردستانی ئێرانی کرد و جەختی لەسەر ئەوە کردەوە کە هاوپێوەندی، بەردەوامی، هاوئاهەنگی لە پێکەوە کارکردن بۆ هەمیشە هەژمونیی دەوڵەتی ناوندی بەرە وڕووخان دەبات.
دەقی پەیامەکە بەم چەشنەیە:
برایانی ئازیزی خەباتکار، لێپرسراوی گشتی، ئەندامان و کادرکانی حیزبی دێموکراتی کوردستانی ئێران!
سپاسێکی گەرم لە بەدواداچوون و هاوپێوەندیی ئێوە لەگەڵ برایانی خۆتان، خەڵکی ڕاپەڕیوی ئەحواز دەکەین، ئێمە نەتەوەی غەیرە فارس کە لەژێر داگیرکاری و ستەمی ئێران بە هەموو دەستە و ئیدئۆلۆژییەکانیەوە ئازار دەکێشین و لە نەخشەی ئێراندا بە کەمینە دەناسرێین، بەڵام ناوەندی نەگەتیڤ، مافی نەتەوەکانی دیکەی لە پەراوێز و ژێر ستەم خستووە و لە سەروەت و وزە و ستراتیژیی ئەو خەڵکە بۆ بەرژەوەندییە شۆڤێنیستییەکانی خۆی کەڵک وەردەگرێت.
ناسیۆناڵیزمی ئێرانی لە ڕاستای بایەخ و یاسا نێونەتەوەییەکان و مرۆڤ دۆستانەکان، هیچ باوەڕێکی بە پێکەوەژیان لەگەڵ خەڵک و وڵاتانی ناوچەکەدا نییە و هەروەها هیچ باوەرێکی بە شێوازی دروستی ئەخلاقی و ئینسانی و دانپێدانان بە مافی نەتەوە و کەمینەکانی دیکە دا نییە.
هاوپێوەندی، بەردەوامی و هاوئاهەنگی و کاری ئێمە بۆ هەمیشە هەژمونیی دەوڵەتی ناوندی بەرەو ڕووخان دەبات و پرۆژەی کاری ئەوان و دەستێوەردانی ئەوان لە کاروباری وڵاتانی دیکە بە تایبەت وڵاتانی عەرەبی بەرەو شکست دەبات.
نەتەوە غەیرە فارسەکان هیچ بەرپرسیاریەتییەکیان لە بابەت ئەو شتەی کە ئەو باندە ئەنجامی دەدەن و لە خوارەوەی ئەخلاقی ئینسانییە، نییە.
بە سپاسەوە
''مەحموود بەشاری''
لە دامەزرێنەرانی بەرەی عەرەبی بۆ ئازادیی ئەحواز و سکرتێری پێشووی ئەو بەرەیە
