لەکاتێکدا "جەلال مەحموودزادە" نوێنەری ڕێژیمی ئیسلامیی ئێران لە مەجلیسدا باس لە بنبڕکردنی گەندەڵی دەکات بەڵام خۆی لەوەڕگەی خەڵکی لە "گوێکتەپە" داگیر کردووە.
ئەو کاربەدەستەی ڕێژیمی ئێران ئیدعای کردووە کە شۆرا و شارەداریی مەهاباد خولی سێهەم لەسەر بەدواداچوونەکانی ناوبراو بەهۆی گەندەڵییەوە دەسبەسەر کراون؛ بەڵام خۆی دەستی بە سەر ٢ هێکتار لە لەوەڕگەی گوێکتەپە داگرتووە.
ئەو نوێنەرەی ڕێژیمی ئێران تەنانەت ئیزنی نەداوە شۆرا و دێهیاری "گوێکتەپە" بەهۆی داگیرکردنی لەوەڕگەی خەڵک جەریمە و سزا بدرێن و بەم جۆرە ٣ میلیارد تمەن زیانی بە خەڵکی ئەو شارۆچکەیە گەیاندووە.
"مەحموودزادە" کاربەدەستی ڕێژیم هەروەها ویستوویەتی بە ناوی کەسێک بە شوناسی "ئیران زادە" ١٢ هێکتار بە بیانووی کارخانەی ڕۆن و سیمان داگیر بکات.
هەروەها ئەو نوێنەرەی ڕێژیم دەستی لە چەندین دۆسیەی گەندەڵیی دیکەدا هەیە کە هەموویان بە دەستی ناوبراو پەردەپۆش کراوە.
