بەپێی هەواڵی گەیشتوو بە ماڵپەڕی "کوردستان میدیا"، ڕۆژی یەکشەممە ڕێکەوتی ٢٩ی ڕەشەمە، تیمێکی سپای پاسدرانی ڕێژیمی ئێران لە بانە لە ''بۆئێنی خواروو'' بەرەو ''گەرماو و نیروان'' لە حاڵی گەشت دابوونە کە ماشینەکەیان هەڵدێراوە و چەند کەسیان بریندار بوونە.
سەرچاوەیەکی ئاگادار باسی لەوە کردووە ئەو تیمە ٧ کەس بوونە کە یەکێکیان لەو ڕووداوەدا پەراسووی شکاوە.
لە ناوچەی بانە هاوشێوەی ناوچەکانی دیکەی کوردستان بەبۆنەی جەژنی نەتەوەیی نەورۆز چالاکیی بەربڵاوی تەبلیغی دژی ڕێژیمی ئێران بەڕێوە چووبوو و لە زۆربەی شوێنەکان بە هەڵدانی ئاڵای کوردستان و بڵاوکردنەوەی تراکت و پۆستێری تایبەت پێشوازی لە جەژنی نەوروز کراوە.
بە وتەی ئەو سەرچاوەیە ئەو تیمەی سپای پاسداران چووەتە گوندەکانی ''گەرماو و نیروان'' ئاڵای کوردستان'' کە بەبۆنەی نەورۆز هەڵکرابوو، بێنێتە خواەروە کە تووشی ئەو ڕووداوە بوونە.
