دەزگای فەرماندەیی هێزی پێشمەرگەی کوردستان لە ڕاگەیەندراوێکدا بڵاوی کردووەتەوە تۆپبارانەکانی ڕێژیمی ئێران بەردەوامە.

دەقی ڕاگەیەندراوەکە بەم چەشنەیە:

ڕاگەیەندراوی ژمارە ٣ی دەزگای فەرماندەیی هێزی پێشمه‌رگه‌ی كوردستان

تۆپبارانكردنی ‌به‌رزاییه‌كانی كوردستان له‌لایه‌ن سپای پاسدارانه‌وه‌ به‌رده‌وامه‌.

هێزه‌كانی ڕێژیمی ئێران له‌ ئێواره‌ی هه‌ینی ١٩ی خه‌رمانانه‌وه‌ دووباره‌ ده‌ستیان به‌ تۆپبارانكردنی ناوچه‌ و به‌رزاییه‌كانی كوردستان كردووه ‌و هه‌ر چه‌ند کاتژمێر جارێک درێژه‌یان به‌ كرده‌وه‌ تێرۆریستییه‌كه‌یان داوه‌.

له‌ كاتژمێر ٨ی شه‌و و دواتر ١٠ی شه‌وی به‌ كاتی هه‌ولێر و هه‌روه‌ها كاتژمێر ١ی نیوه‌شه‌و و ٣ی نزیكه‌و به‌یانیی شه‌ممه‌ ٢٠ی خه‌رمانان، سه‌ر له‌نوێ ناوچه‌كانی "سیده‌كان و به‌ربزینـ"ـیان دایه‌ به‌ر تۆپباران و ژیان و ژینگه‌ی خه‌ڵكیان له‌و ناچه‌یه‌ وێران كردوه‌.

دەزگای فەرماندەیی هێزی پێشمەرگەی كوردستان

٢٠ی خەرمانانی ١٤٠٠ی هەتاوی