شەوی چوارشەممە لەسەر پێنجشەممە، جاشێک بە ناوی "محەممەد عەلیپوور" کوڕی "قادر"، تەمەن ٥٧ ساڵ و خەڵکی "نەڵۆسـ"ـی سەر بە شاری "شنۆ"، لە سێڕێیانی گوندی "تاژاندەرێ" کەوتە بەر هێرشی کەسانی نەسراوەوە و بە توندی بریندار کراوە.
ناوبراو دواتر بە برینداری گەیەندراوەتە نەخۆشخانەی شاری شنۆ و دواتر گوازراوەتەوە بۆ نەخۆشخانەیەک لە شاری ورمێ.
بەپێی وتەی خەڵکی ناوچەکە ناوبراو ئەزیەت و ئازاری زۆری کاسبکارانی داوە و دەستی کارای لە بەتاڵانبردنی مەڕوماڵاتی خەڵکی ناوچەکەدا هەبووە.
ناوبراو لە پایەگای گوندی "قەڵاتیان" خزمەتی بە ڕێژیمی داگیرکەر کردووە و لە ئێستادا بەرپرسی پایەگای "شێخانـ"ـی سەر بە شاری شنۆیە.
