ڕۆژی شەممە ڕێکەوتی ٢٥ی پووشپەڕ کاتژمێری ٢٢:٠٠ی شەو لە شارەکی کارمەندان چەند جاش هێرشیان کردە سەر ماڵی "سلێمان سالک" کە کوڕەکەی پێشمەرگەی کوردستانە و تەقەیان لێ کردوون.
کوڕێکی "سلێمان سالک" بە ناوی "زانیار سالک" پێشمەرگەی حیزبی دێموکراتی کوردستانی ئێرانە.
شوناسی دوو جاشیان "هێمن.ی و ئازاد. ب" ڕاگەیەندراوە.
کاتێک ئەو جاشانە هێرشیان کردووەتە سەر ماڵی کاک "سلێمان"، تەنیا خێزان و کچەکەی لە ماڵدا بوون.
لەو هێرشەدا دەرگا و پەنجەرەی ماڵی ناوبراو شکێندراوە و جیا لەوەش بێڕێزی و جوێنێکی زۆر بە بنەماڵەی ناوبراو و تەنانەت شەهیدانی کوردستان دراوە.
لە دوای ئەو هێرشە جاشەکان تەنانەت تەقەیان لە خەڵک کردووە و شوێنێکەیان بەجێ هێشتووە.
"سلێمان سالک" تەمەن ٦٩ ساڵ و خەڵکی شاری مەهاباد ڕێکەوتی ٧ی پووشپەڕ لەلایەن هێزە ئەمنییەتییەکانی ڕێژیمی ئێرانەوە دەسبەسەر کرابوو.
