بەرپرسانی ڕێژیم لە شاری بانە، بە هۆکاری نادیار ژمارەیەک لە هێزە نیزامی و ئینتزامییەکانیان لە شوێنە گشتییەکان و سەر شەقامەکان جێگیر کردووە.
بەپێی هەواڵی گەیشتوو بە ماڵپەڕی کوردستان میدیا، ڕۆژی سێشەممە ١٠ی ڕەشەمە، بەرپرسانی ڕێژیم بە جێگیرکردنی ژمارەیەک لە هێزە ئینتزامی و نیزامییەکان، کەشێکی ئەمنییەتییەیان بەسەر ئەو شارەدا سەپاندووە.
سەرچاوەیەکی ئاگادار لەو پەیوەندییەدا ڕایگەیاند: "هێزە نیزامی و ئینتزامییەکان لە فەلەکەی ١٥ی خورداد، فەلەکەی جیهاد و فەلەکەی مروەتی جێگیر کراون و ئەمەش بووەتە هۆی بڵاوبوونەوەی دڵەڕاوکێ لەنێو خەڵکدا".
ئەو سەرچاوەیە هۆکاری جێگیرکردنی ئەو هێزانەی بۆ بەرەبەری چوارشەممەسووری و نەورۆز و کۆبوونەوەی خەڵک لەو بۆنانەدا گەڕاندەوە.
