گەندەڵیی شارەدارییەکان لە شارەکانی کوردستان درێژەی هەیە و ئەمجارە کارمەندانی شارەداریی ورمێ گەندەڵیی ماڵیان ئەنجام داوە.
وتەبێژی شواری شاری ورمێ دانی بەوەدا ناوە کە ٧ کارمەندی ئەو ئیدارەیە گەندەڵیی ماڵییان ئەنجام داوە و لەلایەن هێزە ئەمنییەتییەکانەوە دەسبەسەر کراون.
چەند ڕۆژ پێش لە سەقز چەندین کارمەندی ئیدارەکانی وەک فەرمانداریی و شارەداریی سەقز بەهۆی گەندەڵیی ماڵییەوە دەسبەسەر کران.
لەو پێوەندییەدا ماوەیەک پێش لە شارەداریی مەهاباد شوراکانی شار بەهۆی گەندەڵیی ماڵی دەسبەسەر کرابوون.
هاوکات سەرپێچی و گەندەڵیی ئیداری و ماڵیی کاربەدستانی شارەداریی مەریوان لە ساڵانی ڕابردوودا ئاستێکدا بووە کە کاربەدەستانی ئەو ئیدارەیەی ڕێژیم بانگهێشتی دادگا کراون و لێپێچینەوەیان لەگەڵ کراوە.
شارەدارییەکان بە جێگای ئەویکە بودجەی ئاوەدانکردنەوە لە شارەکان خەرج بکەن، خۆیان بودجەکە دەخۆن.
