کوردستان میدیا: ئەندامان و لایەنگرانی حیزبی دێموکراتی کوردستانی ئێران، لە مانگی سەرماوەزدا، چالاکیی بەرینی تەبلیغییان بەڕێوە برد.
بەپێی هەواڵی گەیشتوو بە ماڵپەڕی کوردستان میدیا، تێکۆشەرانی دێموکرات، لە شار و گوندەکانی کوردستان، چالاکیی تەبلیغییان بەڕێوە برد و پەیمانی وەفاداریان لەگەڵ ڕێبازی شەهیدان و حیزبی دێموکرات نوێ کردەوە.
قارەمانانی دێموکرات، لە شاری بۆکان لە گوندەکانی "ئاڵبڵاغ و ئینگیجه" تراکت و پۆستێری تایبەت بە ڕێبەرانی شەهیدیان بڵاو کردووەتەوە.
هاوکات ڕۆڵەکانی دێموکرات لە دەوروبەری شاری بۆکان، لە مزگەوتی گوندی "کولتەپە"، تراکت و پۆستێریان بڵاو کردەوە.
لە بەشێکی دیکەی ئەو چالاکییانەدا، ئەندامان و لایەنگرانی حیزبی دێموکرات لە زنکۆی عیلمی کاربوردیی شاری بۆکان و دەرگای چوونەژوورەوەی ئەو زانکۆیە ئاڵای کوردستانیان هەڵ کردووە و دروشمیان نووسیوە.
