کوردستان میدیا

ماڵپەڕی ناوەندیی حیزبی دێموکراتی کوردستانی ئێران

دانیشتنی نوێنه‌رانی کۆنگره‌ی نه‌ته‌وه‌کانی ئێرانی فیدراڵ له‌گه‌ڵ چه‌ند پارلمانتاری ئورووپا

18:13 - 23 جۆزەردان 2712

کوردستان میدیا: نوێنه‌رانی کۆنگره‌ی نه‌ته‌وه‌کانی ئێرانی فیدراڵ له‌ برۆکسێل له‌گه‌ڵ ئەندامانی پارلمانی ئورووپا هاودیتنیان پێک هێنا.
به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی ١٥ و ١٦ی جۆزه‌ردانی ١٣٩١ی هه‌تاوی، به‌ مه‌به‌ستی پێداگری له‌سه‌ر پرسی پێشێل کردنی مافی مرۆڤ له‌ ئێران، به‌تایبه‌ت له‌دژی نه‌ته‌وه‌ ستەم لێکراوەکان، نوێنه‌رانی کۆنگره‌ی نه‌ته‌وه‌کانی ئێرانی فیدراڵ له‌گه‌ڵ چه‌ندین ئه‌ندام پارلمانی ئورووپا دانیشتن و چاوپێکه‌وتنیان ئه‌نجام دا.
له‌و دانیشتنه‌ دوو رۆژه‌دا، را و بۆچوونی کۆنگره‌ی نه‌ته‌وه‌کانی ئێرانی فیدراڵ له‌لایه‌ ئه‌ندامانى کۆنگره‌ی نه‌ته‌وه‌کانه‌وه‌ بۆ ئه‌ندام پارلمانه‌کانه‌کانی ئورووپا شرۆڤه‌ کرا و له‌سه‌ر دروشمی نه‌ته‌وه‌ جیاجیاکانی ئێران ته‌نیا به‌ سیستمێکی دێمۆکراتیکی فیدراڵ و ناناوه‌ندی، ده‌توانن داهاتوویه‌کی دادپه‌روه‌رانه‌ و هاوبه‌ش مسۆگه‌ر بکه‌ن، پێداگرییان کرده‌وه.
به‌ڕێزان لوقمان ئه‌حمه‌دی و ناسر بوولیده‌یی، نوێنه‌رانی کۆنگره‌ی نه‌ته‌وه‌کانی ئێرانی فیدراڵ، چه‌ندین دیداریان له‌گه‌ڵ ئه‌ندامانی پارلمانی ئورووپا، راوێژکارانی سیاسیی، ناوه‌ند و بنکه‌ هزرییه‌کان و رێکخراوه‌کانی مافی مرۆڤ ئه‌نجام دا و ئاڵوگۆڕی بیروڕایان کرد.

راگەیەنەکانی حیزبی دێمۆکراتی کوردستانی ئێران