کوردستان میدیا: لە پارێزگای خوراسان، دوو کادری ڕێکخراوی سپای تێرۆریستی پاسداران کوژران.
بەپێی ڕاپۆرتە بڵاوکراوەکان، دوو کادری سپای پاسداران لە شاری "دەرەگەز" سەر بە پارێزگای خوراسان، بە هۆکاری نادیار کوژراون.
"دەرەگەز" شارێکی سنوورییە و ئەو دوو ئەندامەی ڕێکخراوی سپا لەو شارەدا کوژراون.
بەرپرسانی ڕێکخراوی سپای تێرۆریستی پاسداران لەبارەی کوژرانی ئەو دوو ئەندامەی خۆیان، هیچ زانیارییەکی وردیان بڵاو نەکردووەتەوە.
لە شارە سنوورییەکانی ئێران کە شەڕ و دەرگیری ڕوو دەدات و هێزەکانی ڕێژیمی دەکوژرێن، ڕێژیم وردەکارییەکانی بڵاو ناکاتەوە.
