دوکتور "ڕۆژان ئاشتاب" لە دووتوێی پەیامێکدا بەداخبوونی خۆی بۆ کۆچی دوایی شەهید "لوقمان مێهفەر" بە حیزبی دێموکرات ڕاگەیاند.
دەقی پەیامەکە بەم چەشنەیە:
بەڕێز: ناوەندی سیاسیی حیزبی دێموکراتی کوردستانی ئێران، بە داخ و خەم و پەژارەیەکی زۆرەوە هەواڵی کۆچی دوایی تێکۆشەر کاک "لوقمان مێهفەر"، ئەندامی ناوەندی سیاسیمان پێگەیشت. ئەم کۆچە خەسارێکی گەورەیە بۆ حیزب و گەلەکەمان.
بە ناوی حیزبی دێموکراتی کوردستانی ئێران، کۆمیتەی ڕۆژهەڵاتی کانادا، بەبۆنەی کۆچی دوایی هاوڕێی تێکۆشەر و ئەندامی ڕێبەریی حیزبەکەمان کاک "لوقمان مێهفەر" پرسە و سەرەخۆشیی خۆمان ئاراستەی هەموو ئەندامان و هاوسەنگەران و کادر و پێشمەرگەکان دەکەین و خۆمان بە شەریکی ئەم خەمە گەورە دەزانین، داوای سەبووری و دڵنەوایی بۆ بنەماڵەی خۆشەویستی مێهفەر دەخوازین،
ڕۆحی شاد بێت و یادی بەخێر.
لەگەڵ ڕێز و حورمەت
حیزبی دێموکراتی کوردستانی ئێران، کۆمیتەی ڕۆژهەڵاتی کانادا
د. ڕۆژان ئاشتاب
