دوکتور "ئازاد نەجاڕ" پزیشکێکی کوردی دانیشتووی وڵاتی سوئیدە کە دڵێکی دەستکردی دروست کردووە و لە تاقیکارییەکاندا سەرکەوتوو بووە.
ناوبراو وتوویەتی: "هەندێک نەخۆشم دەدیت کە ئازاری دڵیان هەبوو، ئەوەش بوو بەهۆی ئەوەیکە من بیر لە دروستکردنی دڵێکی دەستکرد بکەمەوە".
ئەو دڵە دەستکردە بۆ تاقیکاری لە جەستەی بەرازێکدا تاقی کراوەتەوە و هیچ کێشەیەکی نەبووە.
دوکتور "ئازاد نەجاڕ" خەڵکی شاری "زاخۆ"ی کوردستانی باشوورە. ناوبراو لە زانکۆی "مووسڵ" لە ڕشتەی پزیشکیدا دەرسی تەواو کردووە.
ناوبراو ساڵی ١٩٩٥ی زایینی ڕۆیشتووەتە سوئید و زیاتر لە ١٥ ساڵە لە نەخۆشخانەکانی ئەو وڵاتە کار دەکات.
