دەزگای فەرماندەیی هێزی پێشمەرگەی کوردستان لە ڕاگەیەندراوی ژمارە ٢دا بڵاوی کردووەتەوە ڕێژیمی كۆماری ئیسلامیی ئێران هه‌ر كات له نێوخۆ و ده‌ره‌وه‌ی ئێران تووشی گوشار ده‌بێ، ژه‌هری شكسته‌كانی به كوردستان ده‌ڕێژێ.
دەقی ڕاگەیەندراوەکە بەم چەشنەیە:
ڕاگه‌یه‌ندراوی ژماره ٢ی ده‌زگای فه‌رمانده‌یی هێزی پێشمه‌رگه‌ی كوردستان
به ئاگاداریی خه‌ڵكی به‌شه‌ره‌فی كوردستان ده‌گه‌یه‌نین كه هێزه‌كانی ڕێژیمی تێرۆریستی كۆماری ئیسلامیی ئێران له مووشه‌كباران و تۆپبارانی به‌رزاییه‌كانی كوردستان چ له دیوی باشوور و چ له دیوی ڕۆژهه‌ڵاتی كوردستان به‌رده‌وام بوونه و نیوه‌ڕۆی ڕۆژی چوارشەممه، ٢١ی بانه‌مه‌ڕ دووباره ده‌یان مووشه‌كیان به شاخه‌كانی كوردستانه‌وه ناوه.
به ئاگاداریی خه‌ڵكی كوردستان ده‌گه‌ێنین كه ڕێژیمی كۆماری ئیسلامیی ئێران هه‌ر كات له نێوخۆ و ده‌ره‌وه‌ی ئێران تووشی گوشار ده‌بێ، ژه‌هری شكسته‌كانی به كوردستان ده‌ڕێژێ.
ده‌زگای فه‌رمانده‌یی هێزی پێشمه‌رگه‌ی كوردستان
٢١ی بانه‌مه‌ڕی ١٤٠١
