کوردستان میدیا: کۆمەڵێک لە بەکرێگیراوان و مۆرەکانی سەر بە ڕێژیمی ئێران، بە ناوی بنەماڵەی سەر بە "ئازاد و فەرهاد خوسرەوی"، لە هەوڵدان پارە کۆ بکەنەوە.
لە دوای ڕووداوی گیانلەدەستدانی دوو کۆڵبەری کوردی خەڵکی شارەدێی "نێـ"ـی مەریوان، کۆمەڵێک لە بەکرێگیراوان و مۆرەکانی سەر بە ڕێژیمی ئێران دەیانهەوێت بە ناوی بنەماڵەی ئەو کۆڵبەرانەوە پارە کۆ بکەنەوە.
دەست و پێوەندییەکانی سەر بە ڕێژیمی ئێران لە ڕێگای "ژمارە حیساب و کارتی بانکیـ"ـیەوە لە هەوڵدان پارە کۆ بکەنەوە.
بنەماڵەی "ئازاد و فەرهاد" لەو بارەیەوە ڕایانگەیاندووە: "ئێمە هیچ حیسابێکمان بۆ کۆکردنەوەی پارە نییە و پێویستیمان بە یارمەتی نییە".
مۆرەکانی ڕێژیم لەو هەلومەرجەدا دەیانهەوێت کەڵکاژۆ لە دۆخەکە وەربگرن و پارە کۆ بکەنەوە.
