چەند کەسی سەر بە ڕێژیم بە هاوکاریی دێهیاریی یەکێک لە گوندەکانی "چۆمی مەجیدخان" دارەکانی ئەو گوندەیان بڕیوە.

لە ناوچەی "چۆمی مەجیدخان" لە شاری بۆکان دێهیاری یەکێک لە گوندەکانی ئەو ناوچەیە بە هاوکاریی کەسێک کە سەر بە ڕێژیمە دارەکانی قەراغ چۆم و نێو چۆمەکەیان بڕیوە کە ئەو دارانە موڵکی گشتین.

ئەو کەسانە دارەکانیان فرۆشتووە و شوێنی دارەکانیشیان هەموو کردووەتە مەزرا کە خەڵکی ئەو گوندە پێیان ناخۆش بووە، بەڵام لەبەر ئەوەی کە دێهیاری گوندەکە دەستی تێدا هەبووە نەیانوێراوە هیچ ناڕەزایەتییەک دەربڕن.

ڕێژیمی ئێران لە ڕێگای دەستوپەیوەندییەکانیەوە بەردەوام هەوڵ بۆ تێکدانی سروشت و کاولکردنی ژینگە و هەروەها داگیرکردن و تاپۆکردنی مڵکی گشتیی خەڵک دەدات.