لە ماوەی ٨ دەیەی ڕابردوودا لە دەیەی ٩٠ شتومەکەکان لە بازاڕی ئێران و کوردستاندا بەرزترین نرخیان تۆمار کردووە.
نێونجی نرخی شتومەکەکان لە دەیەی ٩٠دا نزیکەی ٩ بەرابەر زیادی کردووە و ئەو ئامارە پیشان دەدات لە دەیەی ٩٠دا بەهای دراو زۆرترین دابەزینی هەبووە.
لە ٨ دەیەی ڕابردوودا دەیەی ٤٠ کەمترین هەڵاوسانی تۆمار کردووە، بە جۆرێک کە هەڵاوسان لە ئێران لەو دەیەدا بەنیسبەت نێونجیی هەڵاوسانی جیهانی لە کەمترین ئاستدا بووە.
لە دەیەی ٥٠ بەدواوە هیچ یەک لە دەیەکانی دیکە بەهۆی کێشەی ئابوورییەوە لەگەڵ داهاتە نەوتییەکان و نرخی دراو نەیانتوانیوە بەبێ هەڵاوسان بن.
