کوردستان میدیا

ماڵپەڕی ناوەندیی حیزبی دێموکراتی کوردستانی ئێران

رێوڕه‌سمی رۆژی 10ی خاکه‌لێوه‌ له شاری‌ برێمه‌نی ئاڵمان به‌ڕێوه‌چوو

16:10 - 17 خاکەلێوه 2712

ک/مــــــــــــیدیا: رێوڕه‌سمی 10ی خاکه‌لێوه‌، له‌لایه‌ن کۆمیته‌ی حیزبی دێموکراتی کوردستانی ئێران ــ ئاڵمان و به‌ هاوکاریی کۆمیته‌ی حیزبی سوسیالیستی کوردستان له‌ شاری برێمه‌ن، به‌ڕێوه‌چوو.

به‌پێی هه‌واڵی گه‌یشتوو به‌ماڵپه‌ڕی کوردستان میدیا، رێکه‌وتی 11ی خاکه‌لێوه‌ی 1391ی هه‌تاوی، رێوڕه‌سمی رۆژی شه‌هیدانی کوردستان له‌ وڵاتی برێمه‌نی ئاڵمان به‌ به‌شداریی ئه‌ندامانی حیزب و کوردانی هه‌رچوار پارچه‌ی کوردستان به‌ڕێوه‌چوو.

رێوڕه‌سمه‌که‌ به‌ خوێندنه‌وه‌ی سروودی نه‌ته‌وایه‌تیی ئه‌ی ره‌قیب و راگرتنی خوله‌کێک بێ‌ده‌نگی بۆ رێزگرتن له‌ گیانی پاکی شه‌هیدان ده‌ستی پێکرد و دواتر په‌یامی کۆمیته‌ی حیزبی دێموکراتی کوردستان ــ ئاڵمان، به‌و بۆنه‌وه‌ پێشکه‌ش کرا.

پاشان په‌یامی حیزبی سوسیالیستی کوردستان، پارتی دێموکراتی کوردستان و کۆمه‌ڵه‌ی شۆڕشگێری زه‌حمه‌تکێشانی کوردستان به‌ بۆنه‌ی 10ی خاکه‌لێوه‌وه‌ خوێندرایه‌وه.