"یەدوڵڵا زارع زادە" بەڕێوەبەری کاروباری نێودەوڵەتیی زانکۆی زانستیی پزیشکیی کوردستان وتوویەتی، بەپێی پێوەرەکانی "ESI"ی دامەزراوەی "کلاریۆیت ئانالیتیکس" (ISI)، "زانکۆی کوردستان" لە شاری سنە ناوی چووە ڕیزی یەکیک لە کاریگەرترین زانکۆ و ناوەندە توێژینەوەکانی جیهان.
ناوبراو هەروەها وتوویەتی کە ئەو دامەزراوەیە هەر دوو مانگ جارێک بەڕۆژ دەکرێتەوە و ئەو زانکۆ و ناوەندە توێژینەوانەی کە لەبابەت بەڵگەی دەسکەوتوو لە ١٠ ساڵدا یەک لەسەد زیاتر پشتیان پێ دەبەسترێت، لە تەواوی ڕشتەکان و لە ٢٢ بواری تایبەتدا دەناسێنێت.
کاریگەرترین ناوەندە زانستییەکانی جیهان ئەوانەن کە بەرهەمە زانستی و بڵاوکراوەکانیان لەلایەن زۆربەی لێکۆڵەران و توێژەرانەوە جێگای باوەڕن و وەکوو سەرچاوە کەڵکیان لێ وەردەگیرێت.
سێ هەزار و ٢٨٠ خوێندکار لە ٤٣ ڕشتە و لە هەشت قۆناخی خوێندن و لە پێنج زانینگە لە زانکۆی کوردستان خەریک بە خوێندنن.
لە ئێستادا ٧٤ خوێندکاری بیانی لەو زانکۆیە و لە ڕشتە و قۆناخی جیاواز خەریک بە خوێندنن کە دەبێتە ٢ لەسەدی خوێندکارانی ئەو زانکۆیە.
