کوردستان میدیا: ڕێگاوبانەکانی ئێران و بە تایبەت کوردستان، بە هۆی ناستانداربوونیان بەردەوام قوربانیی دەگرێت و لە ماوەی یەک ساڵدا زیاتر لە ٣ هەزار ماتۆڕسوار گیانیان لە دەست داوە.
ڕێکخراوی پزیشکی یاساییی ئێران ڕایگەیاندووە، لە ساڵی ڕابردوودا ١٧ هەزار و ١٨٣ کەس بە هۆی ڕووداوی شۆفیرییەوە کوژراون، کە لەم ڕووداوانەدا، زۆرتر لە ٣ هەزار و ٧٠٠ ماتۆڕسوار گیانی خۆیان لەدەست داوە.
سەرۆکی ڕێکخراوی پزیشکی یاساییی ئێران، ڕۆژی دووشەممە، ١٦ی بانەمەڕ، بە ئاماژەدان بە ماتۆڕسوارە کوژراوەکان وتی کە ٣٨٦ کەس لەو کوژراوانی ماتۆڕسوار هی تارانە و تاران لە پلەی یەکەم دایە و پاڕیزگاکانی فارس و ئیسفەهان پلەکانی دووەم و سێیەمیان هەیە.
ئێران لەو وڵاتانەیە کە زۆرترین تەلەفاتی ڕووداوەکانی ڕێگاوبانی هەیە.
ئیستاندارد نەبوونی کەرەستەکانی هاتوچۆ، کێشەی ڕێگاکان، نەبوونی خزمەتگوزاریی ئەوتۆ و لەبەرچاونەگرتنی یاساکانی هاتوچۆ و شۆفیری، لە هۆکارەکانی بەرزبوونی ئەم ڕووداوانەیە.
