بەهۆی فڕێدانی زبڵ و خاشاکی زۆر لە دەوروبەری شاری مەهاباد سروشتی ئەو ناوچەیە بە تەواوی پیس بووە و کێشەی بۆ هاووڵاتییان دروست کردووە.
بەهۆی نەبوونی شوێنی گونجاو، پاشماوەی خانوو و زبڵی ماڵان لە دەوروبەری شار فڕێ دەدرێن، بۆیە سروشتی ناوچەکە تووشی کێشە بووە.
شارەداریی مەهاباد لە جیاتی پێڕاگەیشتن بەو دۆخە و چارەسەرکردنی، خەریکی گەندەڵی و خواردنی پارەی خەڵکن.
خەڵک لەهەمبەر ئەو دۆخە ناڕەزایەتی دەردەبڕن و دەڵێن، بۆچی شارەداری بە دۆخی پاک و خاوینیی دەوروبەری شار ڕاناگات بەڵام کاتێک کە هەر ئەو زەوییانە بەش بەش کران و بۆ فرۆشتن دانران، شارەداری خۆی لەسەر بە خاوەن دەکات.
سەرەڕای ناڕەزایەتی و گلەیی زۆری خەڵک، بەڵام شارەداری و لایەنە پەیوەندیدارەکان بە هۆکاری جیاجیا خۆ لە پاک و خاوێنیی ئەو شوێنانە دەبوێرن و شوێنێکی تایبەت بۆ فڕێدانی زبڵ و خاشاک دیاری ناکەن.
