شەوی هەینی ڕێکەوتی ١٣ی جۆزەردانی ١٤٠١، خەڵکی تێکۆشەری گوندی میراوێی شنۆ بۆ پشتیوانی لە خەباتی حیزبی دێموکرات و گەلی کورد، چالاکییان بەڕێوە برد.
ڕۆڵە تێکۆشەرەکانی گوندی "میراوێ" بە بڵاوکردنەوەی سروودی "ئەی ڕەقیب" و وتەکانی "د. قاسملووی ڕێبەر" بۆ ماوەی سێ خولەک لە بڵندگۆی مزگەوتەوە، جارێکی دیکە وەفاداریی خۆیان بە ڕێبازی حیزبی دێموکرات و گەلی کورد دووپات کردەوە.
ئەو چالاکییە بووەتە جێگای خۆشحاڵیی خەڵکی گوندەکە.
خەڵکی تێکۆشەر بە بەڕێوەبردنی ئەو چالاکییە سەلماندوویانە کە هیچ حیسابێک بۆ بوونی ڕێژیم ناکەن و فەزای ترس و خەفەقانی پێکهاتوو لەلایەن ڕێژیمەوە هیچ گرینگییەکی لەلای ئەوان نییە.
