"حەسەن نووریزادە" وتەبێژی شورای شاری "گوێکتەپە" سەر بە شاروێرانی مەهاباد وتی، ژێرخانەکانی خزمەتگوزاری لەو شارە زۆر بە کەمی ئەنجام دەدرێن و نەبوونی فەزای فێرکاری لە سەرەکیترین کێشەی شاری گوێکتەپەیە.
لە ئێستادا زیاتر لە ٦٠٠ قوتابی لە پۆلەکانی ٣٥ کەسی و لە فەزای بیست میتریدا وانە دەخوێنن.
"نووریزادە" وتی، "گوێکتەپە" نەتەنیا شوێنێکی ورزشیی لێ نییە بەڵکوو گەڵالەی فەزای سەوزیش لەو شارە بە هۆکاری نادیار ڕاوەستاوە.
هەروەها ئەو شارە لە بوونی کەرەستەکانی ئاگرکوژێنەوە و کلینیکی دەرمانی بێبەشە و شارەداری وەک بنکەیەکی خزمەتگوزاری دەبێ گرینگی بەو کەموکۆڕییانە بدات.
هەر لەو پەیوەندییەدا "قارەمان نووری" بەڕێوەبەری نوێکردنەوە، گەشە و تەیارکردنی قوتابخانەکانی پارێزگای ورمێ وتی، سەرانەی فەزای فێرکاری لە شاری پیرانشار ١.٧٣ میتری دووجایە و قوتابییان ناچارن لە پۆلەکان بە ڕێژەی زۆری قوتابی وانەکانیان بخوێنن.
ناوبراو وتوویەتی، لە ئێستادا سەرانەی فەزای فێرکاری لە پاریزگای ورمێ ٤.٥ میتری دووجایە و بەپێی سەرانەی فێرکاریی ١.٧٣ میتری دووجای پیرانشار، ئەو شارە لە پلەکانی خوارووی پلەبەندیی ئێراندایە.
