پێشنیوەڕۆی پێنجشەممە ڕێکەوتی ٨ی جۆزەردان، شاندی پەیوەندییە كوردستانییەکانی حیزبی دێموكراتی كوردستانی ئێران بە سەرپەرستیی "محەمەدساڵح قادری" بە نوێنەرایەتیی دەزگای پەیوەندییە گشتییەکانی حیزبەوە، سەردانی حیزبی شیوعیی كوردستانیان كرد.
شاندی حیزبی دێموکرات بەبۆنەی ٢٩ـەمین ساڵڕۆژی ڕاگەیاندنی حیزبی شیوعیی كوردستان سەردانی ئەو حیزبەیان کرد و بەو بۆنەیەوە پەیامی پیرۆزبایی حیزبیان پێ ڕاگەیاندن.
شاندی حیزب لەلایەن دوكتور "كاوە مەحموود" سكرتێری كۆمیتەی ناوەندیی حیزبی شیوعی و ئەندامانی سەركردایەتیی ئەو حیزبەوە بەگەرمی پێشوازییان لێ کرا و سپاس و پێزانینی خۆیان بەو بۆنەیەوە دەربڕی.
